ភ្នំពេញ៖ ករណីអគ្គីភ័យឆាបឆេះភោជនីយដ្ឋាន «កន្លែង អូន» អស់ ១២ខ្យូស រងការខូចខាតទាំងស្រុង ផ្លូវ១៥១ ភូមិសំរោងត្បូងសង្កាត់សំរោង ខណ្ឌព្រែកព្នៅ រាជធានីភំ្នពេញ។
នាយកដ្ឋាននគរបាលបង្ការពន្លត់អគ្គិភ័យ និងសង្គ្រោះ នៃអគ្គស្នងការដ្ឋាននគរបាលជាតិបានឱ្យដឹងថា នៅវេលាម៉ោង១៤: ៣០នាទី ថ្ងៃទី៣០ ខែកក្កដា ឆ្នាំ២០២៣ មានករណីអគ្គីភ័យមួយកន្លែងកើតឡើងនៅចំណុចភោជនីយដ្ឋាន «កនែ្លងអូន» ស្ថិតនៅផ្លូវ១៥១ ភូមិសំរោងត្បូងសង្កាត់សំរោង ខណ្ឌព្រែកព្នៅនៅរាជធានីភំ្នពេញ ដោយសារឆ្លងចរន្តអគិ្គសនី បណ្តាលឱ្យខូចខាតសម្ភារៈ ឆេះកញ្ចុះអស់ចំនួន១២ អស់ទាំងស្រុង តែពុំបានឆេះរាលដល់ផ្ទះអ្នកក្បែរឡើយ។
អគ្គិភ័យនេះប្រើប្រាស់រថយន្តពន្លត់អគ្គិភ័យអស់ចំនួន៣គ្រឿង ប្រើប្រាស់ទឹកអស់ចំនួន ៣ឡាន ស្មើនឹង ១២ម៉ែត្រគូប ហើយពុំបណ្តាលឱ្យមានមនុស្សស្លាប់ ឬ រងរបួសឡើយ។
នាយកដ្ឋាននគរបាលបង្ការពន្លត់អគ្គិភ័យ និងសង្គ្រោះ បញ្ជាក់ថា អគ្គិភ័យនេះបានគ្រប់គ្រងនិងពន្លត់បានទាំងស្រុងនៅវេលាម៉ោង៣រសៀល ថ្ងៃដដែល៕
